თბილისი, 22.10.2014

ჩემო სიბილა,

ხომ იცი საქართველოდან გწერ. მე აქ ყველაფერი მომწონს: ხალხი, ცეკვები, სიმღერები, საჭმელები, მუზეუმები... ამინდიც კარგია: მზიანი და თბილი.

მე და ჯორჯი კახეთში ვიყავით. აი, კახეთის ფოტოები.

ქართველებს ძალიან უყვართ სტუმარი, ჩვენ ერთი კახელის ოჯახში დავლიეთ ღვინო.

მე ძალიან მომწონს ჩურჩხელები. ელენმა ჰკითხა კახელ კაცს:

− ეს სანთელია?

ჯორჯმა უთხრა ელენს:

−არა, ეს ხილია.

კაცმა გაიცინა და გვითხრა:

−ეს არის ნიგოზი, ამოვლებულია ყურძნის წვენის ფაფაში. ამ ფაფას თათარა ჰქვია. მერე ჩურჩხელებს მზეზე კიდებენ.

ჩვენ ვნახეთ თელავი − კახეთის რეგიონის ერთ-ერთი დიდი ქალაქი. იქ არის მეფე ერეკლეს მუზეუმი და რეზიდენცია, ვიყავით პატარა და ლამაზ ქალაქ სიღნაღში, მერე წავედით ალავერდში. ეს არის მე-11 საუკუნის ტაძარი.

ჩვენ ასევე ვნახეთ ქართული ფოლკლორული ცეკვის ანსამბლი. მოცეკვავეები იყვნენ ნაციონალური ტანსაცმლით.

მე ფოტოალბომს ვაკეთებ საქართველოზე და მალე ნახავ ყველა ფოტოს.

შენი ტობიასი