იყო ერთი მეფე. მას ჰყავდა ოცდაათი ვაჟი. სიკვდილის წინ მეფემ შვილებს უთხრა:

− მოიტანეთ ოცდაათი ისარი!

შვილებმა ისრები მოიტანეს. მეფეს უნდოდა ისრების ერთად დამტვრევა, მაგრამ ვერ დაამტვრია. შემდეგ მეფემ ყველა ისარი ცალ-ცალკე აიღო და ადვილად გატეხა.

მეფემ უთხრა შვილებს:

− ოცდაათი ისარი ერთად ვერ დავამტვრიე. ცალ-ცალკე კი ყველა გავტეხე! თქვენც ასე ხართ: ერთად უნდა იყოთ და მტერი ვერ დაგამარცხებთ.