ერთი ქვეყნის მეფეს მხოლოდ ერთი თვალი ჰქონდა. მას ჰყავდა ჭკვიანი მხატვარი. მეფეს ის არ მოსწონდა და უნდოდა მისი დასჯა.

ერთხელ მეფემ უთხრა მხატვარს:

− აბა, დამხატე!

მხატვარმა იფიქრა:

− ახლა მოვიდა ჩემი სიკვდილის დღე: ერთი თვალით დავხატავ, მეტყვის: ეს როგორ გაბედე?! ორივე თვალით დავხატავ, იტყვის: ეს მე არა ვარ!

ბოლოს ეს მოიფიქრა: დახატა მეფე ნადირობის დროს, ის ირემს ესროდა. თოფი ჰქონდა ბრმა თვალთან, რომელიც დახუჭული იყო.

მხატვარმა ეს ნახატი მეფეს მიართვა. მეფეს მოეწონა ნადირობის სცენა და ჭკვიანი მხატვარი არ დასაჯა.