კატამ ნახა მკვდარი დედა ლომი. ლომის გვერდით პატარა ბოკვერი იჯდა. კატამ გაზარდა ბოკვერი და ბევრი რამე ასწავლა. ბოკვერი მალე გაიზარდა და ლომი გახდა. იგი უკვე მარტო ნადირობდა.

ერთ დღეს ლომს საჭმელი არ ჰქონდა და იფიქრა:

  მოდი, ამ კატას შევჭამ!

ლომი გაეკიდა კატას. კატა გაიქცა და ხეზე ავიდა. ლომი ვერ ავიდა ხეზე. ის ხის ქვეშ იდგა
და იქიდან დაუძახა კატას:

  ჩემო მასწავლებელო, დედაზე საყვარელო, ყველაფერი მასწავლე და ხეზე
ასვლა რატომ არ მასწავლე?

კატამ უპასუხა:

  ეს სპეციალურად არ გასწავლე. ამ დღისთვის შევინახე.