„აღმართი“ B2 (ზღვრული განვითარებული დონე) განკუთვნილია იმ შემსწავლელებისათვის, რომლებსაც განვითარებული აქვთ ენის დამოუკიდებლად ფლობის უნარი. ქართული ენის B2 დონეზე დაუფლების შემდეგ შემსწავლელს შეეძლება: სალიტერატურო ენის ნორმების ფარგლებში შედარებით ნაცნობ თემატიკაზე აგებული არგუმენტირებული ვრცელი მოხსენების, ლექციის, მიმდინარე მოვლენებზე რეპორტაჟისა და ახალი ამბების, ფილმების შინაარსის გაგება; ვრცელი ტექსტის სწრაფად წაკითხვა და მნიშვნელოვანი ინფორმაციის მოძიება; დისკუსიის დროს საკუთარი მოსაზრებების გამოთქმა, ახსნა-განმარტებებისა და კომენტარების საშუალებით არგუმენტების მოყვანა, საკუთარი თვალსაზრისის დასაბუთება და დაცვა; ალტერნატიული შეხედულებების შეფასება; თავისუფლად, მოუმზადებლად საუბარი მშობლიურ ენაზე მოლაპარაკესთან და ყველაფრის დაწვრილებით გაგება; არგუმენტირებული ესეს წერა, განსხვავებული მოსაზრებების დადებითი და უარყოფითი მხარეების წერილობით განხილვა. ეს ენის ცოდნის ის პროგრესული საფეხურია, როცა შემსწავლელს უკვე შეეძლება გაუგებრობის გამომწვევი შეცდომების გასწორება, საკუთარი მეტყველების გაკონტროლება.

სახელმძღვანელო შემსწავლელს აძლევს გრამატიკისა და ლექსიკის ცოდნას ისეთი მოცულობით, როგორიც საჭიროა ენობრივი უნარ-ჩვევების გამომუშავებისათვის B2 დონის შესაბამისად და ამზადებს ენის ფლობის შემდეგ დონეზე სწავლის გასაგრძელებლად.